Indeploy ti Philippine National Police (PNP) iti nasurok 4,000 a personnel-da iti agduduma a lugar a kangrunaan a naapektaran ti Bagyo Kristine.
Karaman iti nabilin kadagiti naideploy a polis it pannakaisayangkat ti relief operations kangrunaan iti lugar a malaylayos idiay Albay ken Camarines Sur, mangisayangkat ti road-clearing operations ken uray ti search and retrieval operations iti lugar a naapektaran iti layos idiay Batangas.
Segun ken ni PNP chief Gen. Rommel Francisco Marbil, dagiti rehiyon a kas iti Bicol ken Eastern Visayas a nadidigra ket insigida a naideploy ti Disaster Response Units kadua dagiti personnel ken mobility assets tapno maisayangkat ti large-scale rescue missions.
Makikamkammayeten iti PNP kadagiti local authorities idiay Bacoor City a nakarescue-an dagiti residente a na-trap iti panangpangato iti layos.
Impannakkel ni Marbil dagiti persnnelda a nangipakita iti kinabannuar iti panangsango iti peggad.
