Tallo a tattao iti nadunor iti panagdinnupar iti dua a motorsiklo idiay Sitio Callaguip Brgy. Baclig, Cabugao, Ilocos Sur a napasamak itay alas syete disisyete iti rabii, October 4, 2025.
Ti nagmaneho iti Yamaha Mio Soul a color pink ket agtawen iti sangapulo ket lima nga agnaed idiay Barangay Sunggiam, San Juan idinto a ti backride-na ket agtawen met laeng iti sangapulo ket lima a taga-Barangay Dardarat, San Juan.
Ti nagmaneho iti Honda Wave 100 a color black ket lalaki nga agtawen iti innem a pulo ket dua, Bet Collector a taga-Salomague, Cabugao.
Naammoan nga agturong iti daya a direksyon dagiti menor de edad idin dimteng ti senior citizen ket immagaw iti linya a gappuanan iti panagdinnungparda.
Gapu iti sinagaba a dunor iti nadumaduma a paset iti bagi dagiti karaman ket naipanda nga insigida iti Pira Clinic and Hospital babaen kadagiti nagresponde a kameng ti Philippine National Police ken Bureau of Fire Protection.
