--Ads--
Saan nga inawat dagiti sangapulo ket walo a hukom ti International Criminal Court ti kiddaw ni dati a Presidente Rodrigo Duterte nga ikkaten dagiti dua a hukom a mangig-iggem iti kasona mainaig iti crimes against humanity.
Segun iti ICC, awan ti makanay a pagibasaran tapno babalawen ti panagbalin a patas da Judge Reine Alapino -Gansou ti Benin ken Socorro Flores y Liera ti Mexico.
Nadakamat iti desisyon a dagiti hukom ket agtigtignay kas maisurot iti mandato ti Rome Statute, nga isu ti pundasyon ti ICC.
Kwinestyonaran pay ti korte ti argumento ni Duterte kas saan a legal a mapatibker ken posible a mangitantan iti proseso.
-- ADVERTISEMENT --
