--Ads--
Kinumpirma ni Department of Interior and Local Government Secretary Jonvic Remulla a natalged ni Senador Ronald Bato Dela Rosa ken adda kadua na a security personnel kasaruno ti tension ken lockdown ti Senado.
Pinasingkedan ni Remulla nga impakaammo da ken ni Dela Rosa nga ipasigurado da ti integridad ken proteksion ti amin a senador nga adda iti Senado.
Impasigurado pay ti DILG chief a saan na a kemmegen ni Dela Rosa iti baet ti inruar nga arrest warrant ti International Criminal Court kontra kenkuana.
Iti agdama, madama nga im-imbestigaran dagiti otoridad no sino iti adda ti likudan ti napasamak a panagpaputok ti paltog iti uneg ti Senado.
-- ADVERTISEMENT --
