Insalakan ti National Bureau of Investigation (NBI) dagiti sangapulo a biktima ti human trafficking pakairamanan dagiti siam a menor de edad idiay Sual, Pangasinan.
Kinemmeg met ti joint team ti dua a Chinese nationals a da Zhonggang Qui ken Wenwen Qui, karaman dagiti tallo a Pilipino a da Angielyn Ramirez, Marichelle Ambrosio, ken Jay Amor.
Dagiti suspek ket makasoan ti panaglabsing ti Anti-Trafficking in Persons Act of 2003, An Act Providing For The Elimination Of The Worst Forms of Child Labor, The Fisheries Code of the Philippines ken Economic Sabotage.
Segun ti NBI, natakuatanda a dagiti narescue ket pagub-ubraenda iti napeggad a trabaho pakairamanan iti agpakan kadagiti ikan ket nu saanda a sumurot, butbutngen ida ti Tsino a mangpapaaramid dayta.
Adda pay dua a menor de edad iti naisalakan ket masikog kalpasan a nasikogan iti live in partner-na a nga agtawen iti nasurok duapulo.
