Kayat a siguradoen ni Senador Risa Hontiveros iti Marcos administration a seryoso a maipatungpal ti Anti-POGO Law kalpasan a pinirmaan dagiti ahensya iti gobierno ti Standard Operating Procedures (SOP) para ti implementasyon ti Philippine Offshore Gaming Operators (POGO) ban.
Impaganetget ni Hontiveros a rumbeng a nabayagen a naaramid ti nasao nga SOP para iti pannakaiparit ti POGO iti pagilian ta naammoan iti nagsasaruno a panagdenggeg iti Senado a saan laeng a simple a sugal ti napasamak kadagiti POGO hub.
Dagiti hub ket pakairamanan pay iti paspasamak a krimen a kas iti human trafficking, scam operations, extortion, illegal detention, money laundering, nga amin ket saan pay a nabuwag.
Kinuna ni Hontiveros nga agbalin latta iti network isu nga agraira pat laeng dagiti scammer ken adu a Pilipino ti biktima iti human trafficking.
Innayonna a rumbeng a saan nga agsardeng iti gobierno iti panangkamat ken panangbuwag ti intero nga architecture iti POGO hub iti pagilian.
