Patien ti Department of Social Welfare and Development (DSWD) a ti record-low a panagbaba ti poverty incidence manipod 15.5% agturong iti 9.7% ket pammaneknek iti epektibo a programa ti Marcos Administration tapno matulongan ti marigrigat a pamilia.
Dayta ket maibasar iti listaan ti 2025 data ti Philippine Statistics Authority (PSA).
Segun ken ni DSWD Spokesperson Assistant Secretary Irene Dumlao, napintas a senyales ti panagbaba ti poverty rate ken mangipakita dayta a maipatpatungpal a whole-of-government strategy kontra iti kinarigat, kangrunaan dagiti maipangruna a programa kas ti Pantawid Pamilyang Pilipino Program (4Ps).
Kinuna pay ni Dumlao nga ibilang ti DSWD ti resulta kas pammaneknek a makatulong kadagiti programa kadagiti marigrigat ken vulnerable sectors.
Pakaragsakan pay ti ahensia ti resulta ken ingkarida iti agtultuloy a panangipaay ti serbisio kadagiti benepisyaryo.
