Nakasublin iti pagilian manipod Cambodia dagiti sangapulo a Pilipino kalpasan a nabiktima iti peke a job offers online.
Segun ti Department of Foreign Affairs (DFA), dagiti repatriate ket natalged a nakaawid manipod Oddar Meanchey Province iti bagatan a laud a paset iti Cambodia babaen ti tulong dagiti otoridad iti nasao a pagilian ken uray ti Philippine Embassy idiay Phnom Penh.
Kinunana a nalawag a dagiti Pilipino ket biktima ti human trafficking isu a pinalagipanna ti ahensya nga agannad iti panag-apply kadagiti trabaho a makita iti online.
Innayon ti ahensya nga agbalin a silulukat iti opisina tapno mangted iti tulong ken idauluan ti maysa nga Assistance-to-Nationals Service kangrunaan kadagiti Filipino online job seekers.
Kabayatanna, nagyaman ti Philippine Embassy iti nagbalin a tignay ken atensyon nga ited ti Royal Government iti Cambodia para kadagiti Pilipino tapno makaawid a natalged iti Pilipinas.
