--Ads--
Inlawlawag ni dati a presidential spokesperson Harry Roque a saanen a mabalin a tumakder nga abogado ni dati a President Rodrigo Duterte ti putotna a ni Vice President Sara Duterte iti International Criminal Court, maikontra iti immuna a saritana.
Maiparit iti salinong ti Article VII, Section 13 ti Saligang Batas ti presidente, vice president, ken dadduma pay a nangangato nga opisyal nga ituloy iti propesyonda bayat nga agserserbi.
Immunan a kinuna ni Roque a namnamaenda a bigbigen ti ICC ni Vice Pres. Sara Duterte nga agbalin a paset ti legal team ti amana.
Iti agdama ket adda iti detention facility iti ICC idiay The Hague, Netherlands ti dati a presidente para iti kaso a crimes against humanity mainaig iti war on drugs-na.
-- ADVERTISEMENT --
