--Ads--
Nagkiddaw dagiti abogado ni dati a presidente Rodrigo Duterte iti International Criminal Court (ICC) Appeals Chamber a palubosan isuna a saan nga umatendar inton Abril 22 a panangibasa ti decision mainaig iti jurisdiction challenge-na.
Segun iti depensa, ibagi laengen isuna dagiti abogado na ken nakaipasa payen isuna ti napirmaan a waiver-na.
Sumangsango ni Duterte iti tallo a bilang ti crimes against humanity mainaig iti “war on drugs” iti mnayor pay laeng isuna ti Davao City ken panagtakem na kas Presidente.
Maipalagip nga adda innem a pulo nga aldaw ti korte tapno iyir-ruar ti decision kalpasan ti panagdenggeg a dituy a makita no maituloy ti kaso, maibasura ti kaso wenno ma-dismiss nga agresulta iti pannakawaya-waya ni Duterte.
-- ADVERTISEMENT --
