Pormal nga imbasura ti International Criminal Court (ICC) Appeals Chamber ti apela ni dati a Presidente Rodrigo Duterte a kumarkarit iti hurisdiksion ti international tribunal nga iggaman wenno imbestigaran ti kaso.
Iti nagbalin a panagdenggeg ti tribunal, binasa ni ICC Judge Luz del Carmen Ibañez Carranza ti decision ti tribunal ket imbasura ti mayorya dagiti mahistrado ti amin nga uppat a grounds of appeal nga impila ti kampo ti dati a presidente.
Segun ti korte, maibilang payen a ‘moot’ wenno awan ti bileg-nan ti kiddaw ti depensa a waya-wayaan ni Duterte manipud iti sangsangoen na a kaso.
Kas panangsurot iti Article 82(1)(a) ti ICC Statute, kinumpirma ti mayorya ti Appeal Chamber ti impugned decision wenno ti immuna a decision ti korte kontra iti dati a presidente a mangipalubos iti panangituloy ti proseso.
