Personal a nagturong iti Office of the Taguig City Prosecutor ni Vice President Sara Duterte tapno mangipila ken sapataan ti maikadua a reklamona a perjury kontra ken ni Ramil Madriaga.
Ni Madriaga ket self-confessed former aide ken immamin a bagman ni Vice President Sara Duterte.
Ti impila a reklamo iti Office of the City Prosecutor iti Taguig para iti kaso a perjury nga adda iti salinong ti Article 183 iti Revised Penal Code kontra ken ni Madriaga ket adda pakainaigan ti Supplemental Affidavit a napetsaan idi April 11, 2026.
Ti reklamo ket pakairamanan iti 1,000 a panid nga adda pakainaigan dagiti malisyoso ken madi nga statement ni madriaga manipod iti affidavit-na idi November 29, 2025.
Karaman pay dayta iti sangapulo ket dua a corroborating witnesses, government ken dadduma pay nga official documents ken certifications kasta pay dagiti mensahe, ladawan ken public record.
Immunan a pinasingkedan ni Madriaga a nagserbi isuna nga intelligence ken security officer a timmulong iti “Inday Sara Duterte is my President” (ISIP) group idi 2020 a maibagbaga a nangideliver iti kuarta kadagiti personalidad babaen ti mapapati a bilin ni dati a Pres. Rodrigo Duterte ken Vice President Sara Duterte.
