Insingasing ni Senador Sherwin Gatchalian ti maysa a gakat a mangiparit kadagiti ubbing nga awan pay 16 ti tawenda nga agaramat iti social media ditoy pagilian.
Iti salinong ti Senate Bill No 2066 wenno Social Media Safety for Children Act, maiparit ti panagrehistro, panag-access wenno panangpatalinaed ti account dagiti menor de edad iti ania man a social media platform.
Gagem ti gakat a salwadan dagiti ubbing manipud iti posible a peggad iti digital world, agraman ti mental, oral, ken social effect ti nalabes a panagramat iti social media.
Segun ken ni Gatchalian, napateg nga adda komprehensibo a regulasion ta dagiti agdama a linteg ket nakapokus laeng iti pannusa ken saan nga iti aktibo a panangsalwad iti online exposure dagiti menor de edad.
Babaen pay ti nasao nga addang ket kapilitan ti pannakaipatungpal ti nainget nga age verification systems dagiti social media company kas ti ID authentication, ken facial recognition.
