2 a kabakiran iti Japan, nauram; nasurok 1-K a residente, naibakwit

2 nga uram ti rimsua iti kabakiran ti Iwate Prefecture, Japan a nangrugi idi Mierkoles nga immabot iti 1,176 nga ektarya ti kalawa ti uram agingga Biernes isu a naibakwit dagiti nasurok 1,000 nga agindeg.

Napasamak ti uram iti Kozuchi district iti ili ti Otsuchi iti ala una singkwenta iti malem.

Napaspas a nagkayamkam ken naapektaran dagiti sumagmamano a pasdek agraman dagiti asideg iti kabakiran.

Nupay kasta, binalakadan ti lokal a gobierno dagiti agindeg nga agbakwit, nangruna dagiti adda iti asideg iti maikadua a lugar ti uram.

Awan met ti natay wenno nadunor iti napasamak nga uram.