VIGAN CITY– Pinalagipan ni dati nga Ilocos Sur governor ken agdama a Narvacan Sangguniang Bayan Member Luis “Chavit” Singson dagiti provincial ken local governmet units nga usaren iti usto ti bingay da iti RA 7171 wenno tobacco funds.
Reaksyon daytoy ni Singson inaig iti isyu ti “Ilocos 6” inaig iti mapapati a maanomalya a panaggatang ti Ilocos Norte government kadagiti lugan nga aggatad PHP66 million manipud iti tobacco funds iti probinsiya.
Segun kenni Singson nga isu iti maibilang nga ama ti RA 7171, dakkel iti maitulong ti pondo manipud iti tabako isu a rebbeng laeng a maipatpateg.
Inbalakad iti dati a gobernandor nga agbalin a trransparent iti pannakaigastos ti nasao a pondo ta no madadael ti RA 7171 ket dagiti apektado dagiti tobacco producing provinces kangrunaan ti Ilocos Sur ken IlocosNorte..
