Inawagan a harassment ni dati nga Ilocos Sur Governor Chavit Singson ti pannakaipila ti kaso kontra kenkuana iti Ombudsman karaman dagiti dadduma pay nga opisial.
Ti complainant ket ti grupo a Warriors Ti Ilocos Sur, Incorporated nga idadaulwan ni Atty. Estelita Cordero.
Iti pannaki-uman ti Bombo Radyo Vigan ken ni Singson, saanda kayat a kalluban dagiti agtatakaw ket patienna a ti pannakaipila ti kaso ket gapu ta saan a kayat dagiti mangkonkontra kenkuana a matuloy ti panagtestigona iti Senado tapno maibutaktakna dagiti ammona mainaig iti flood control scandal.
Impaganetget ni Singson nga ad-adda a saanda a sumardeng nga agtignay kadagitoy nga ar-aramidenda kontra kenkuana ta mamati nga addanto latta met ti pagpatinggaan ti kunana a kinaulbod nga aramid.
Karit ti dati a gobernador a masungbatan pay nga umuna ti kaso iti flood control ken bay-anda a tumestigo no saanda a mabuteng a maammuan ti kinapudno.
