Naireklamo iti Office of the Ombudsman ni dati nga Ilocos Sur Governor Luis ‘Chavit’ Singson.
Karaman pay a nakasoan da dati nga Ilocos Sur governor Ryan Luis Singson, ken agdama a gobernadora ti probinsia a ni Jeremias Singson.
Ti complainant ket ti grupo a Warriors Ti Ilocos Sur, Incorporated nga ibagi ni Atty. Estelita Cordero.
Dagiti kaso a naipila ket ti panaglabsing iti Anti-Graft and Corrupt Practices Act ken panaglabsing iti Republic Act 8240 wenno ti saan a husto a panagaramat iti napastrek nga excise tax ti tabako.
Malaksid kadagiti Singson, nakasoan pay da dagiti dati a miembro ti Sangguniang Panlalawigan a da Pablito F. Sanidad Jr., Joselle F. Gironella, Gina Cordero, Mildred Elaydo, Benjamin Maggay, Leopoldo Gironella Jr., Mikaela Karita Singson-Bautista, Constante Oandasan, Ronnie Rapanut, Efren Rafanturo, S. Constantine, Arfanturo Francisco ken ni S. Constantine.
Nagtaud ti kaso iti saan a husto a pannakaaramat ti nasurok-kumurang P585 million manipud iti Tobacco Excise Tax a nagastos iti pannakaipatakder ti “Tobacco Farmers Convention Center” idi 2008.
