Agtalinaed latta ni Undersecretary ken Palace Press Officer Atty. Claire Castro a Presidential Communications Office uray nagsukaten ti liderato iti ahensya.
Segun ken ni Castro, numan pay naggiddanda idi a nagsapata ken ni Sec. Jay Ruiz ken ni President Ferdinand Marcos Jr. ket direkta isuna a dinutokan ti presidente iti puesto.
Kinunana a ni Pres. Marcos ti boss-na ken isu ti direkta a pangrep-reportanna ket saan a ken ni Ruiz.
Paset ni Castro iti PCO ngem naisina ti opisinana kas Palace Press Officer ken saan a karaman kadagiti taripnong ken decision-making ti dati a mangidaulo ti PCO.
Maipalagip a dinutokan ti presidente ni Catro kas Palace Press Officer tapno sumango ken sumungbat kadagiti saludsud iti media maipanggep kadagiti isyu, polisiya programa ken accomplishments iti administrasyon iti nagan ti presidente.