--Ads--
Nagpakdaar ti Malakanyang a dagiti vlogger a maakusaran ti panagiwaras ti madi nga impormasion ket mabalin a sumango iti legal a pagannurotan, pakairamanan ti posible a kaso a kriminal, danyos ken dagiti warrant of arrest.
Kasaruno daytoy iti tallo a vlogger a maipagarup a nagiwaras ti peke a damag mainaig iti salun-at ni Presidente Ferdinand Marcos Jr.
Pinasingkedan ni Palace Press Officer Atty. Claire Castro a mabalin a mapilaan ti kaso a cyber-libel iti agiwaras ti saan a pudno nga impormasion a maka-apekto iti publiko.
Inlawlawag ni Castro nga sinuman ti aglabsing iti linteg gapu iti panagiwaras ti peke a damag ket makasoan.
-- ADVERTISEMENT --
