Naalan ti maysa a tricycle driver ti mapapati a shabu ken marijuana iti naiwayat a buy-bust operation idiay Barangay Poblacion Norte, ili ti Sta. Maria.
Ti suspek ket agtawen ti tallopulo ket walo, residente ti nadakamat nga ili.
Iti pannakiuman ti Bombo Radyo Vigan ken ni PLT. Jenson Refuerzo ti Sta. Maria Municipal Police Station, maibilang ti suspek nga street level individual.
Naala manipud kenkuana ti 0.5 grams ti mapapati a shabu nga aggatad ti P3, 400 a nakaikabil iti dua nga heat sealed transparent plastic sachets a nagserbi kas buy-bust item ken possession, ken 1 gram ti mapapati a marijuana nga aggatad ti P120 a naikabil iti maysa heat-sealed transparent plastic sachet a nagserbi a possession.
Nakompiskar pay manipud iti suspek ti dagiti non-drug evidence a pakairamanan ti P500 a nagserbi kas buy-bust money, lighter, papel, cellphone ken tricycle.
Kaso a panaglabsing ti RA 9165 wenno Comprehensive Dangerous Drugs Act of 2002 ti sangoen ti suspek.
