--Ads--
Naiserbi ti warrant of arrest kadagiti tallo a lallaki gapu iti serious physical injuries a kasoda iti siudad ti Vigan a gappuanan ti pannakakemmegda.
Iti pannaki-uman ti Bombo Radyo Vigan ken ni PLt. Amado Somera a deputy chief iti Vigan City Police Station, ti warrant of arrest da ket nairuar kalpasan ti pangngeddeng iti korte.
Segun ken ni Somera, ti kaso dagiti tallo ket maipanggep iti napasamak a kinnabil idi October 23, 2024 a nakairamanan dagiti suspek.
Naammoan a dagiti biktima iti napan iti ayan idi dagiti suspek ket kinumprontarda ida gapu iti naariwawa a motor ngem isu metten iti panangdanog dagiti suspek kadakuada ken maysa kadagiti nagbalin a biktima ket nabagsol isu a nagsagaba iti dunor.
-- ADVERTISEMENT --
VIDEO – PLT. AMADO SOMERA
