--Ads--
Sinungbatan ti Malakanyang ti banat ni dati a Presidential Spokesperson Harry Roque mainaig iti inaramid a panag-jogging ni Presidente Ferdinand Marcos Jr. tapno paneknekan a natalged ti salun-atna.
Segun ken ni Presidential Communications Office (PCO) Undersecretary Claire Castro, gagem laeng ti presidente nga ipakita iti publiko ti husto a kondision tapno leppasen ti rumrummuar a saan a nasayaat a damag mainaig iti salun-atna.
Maipalagip a nag-post ni Roque a nangibaga a nasaysayaat nga agirruar ti medical bulletin ngem ti ag-jogging ti mano metro.
Kas sungbat, bwineltaan ni Castro ni Roque ken ti nagbalin a posision na idi napalabas nga administrasion.
-- ADVERTISEMENT --
