--Ads--
Nakatuding a sumangpet inton Mayo ti 22, 000 metric tons wenno 22 milyon a kilo ti liquefied petroleum gas (LPG) nga inangkat ti gobierno babaen ti state-run Philippine National Oil Company (PNOC).
Daytoy ket tapno papigsaen ti buffer stock ti pagilian iti tengnga ti agtultuloy a fuel crisis iti Middle East.
Pinasingkedan ni Energy Secretary Sharon Garin a naikabilen ti order gapu iti agtaltalinaed a nababa nga imbentario ti LPG iti pagilian.
Segun ti DOE, naan-anay ti suplay ti LPG para iti tallopulo ket innem nga aldaw no ikumpara iti uppat a pulo ket siam nga aldaw para iti diesel, limapulo ket uppat nga aldaw para iti gasolina, ken sangagasut ket lima nga aldaw met para iti kerosene.
-- ADVERTISEMENT --
