VIGAN CITY- Kaso a rape in relation to Republic Act 7610 wenno Anti-Child Abuse Law ti naipila kontra iti suspek a mapapati a nangrames iti agtawen ti sangapulo ket lima idiay ili ti San Esteban idi June 8 iti agdama a tawen.
Segun ken ni Police Chief Inspector Augusto Cabello, chief of police ti San Esteban municipal police station, naiparuwaren iti resolusyon inaig iti kaso ti suspek ket naipanen idiay Ilocos Sur Provincial Jail manipud ti nakakustodiyaan na idiay San Esteban police station.
Maipalagip a maymaysa na idi ti biktima iti uneg ti pagtaenganda idi sinerrek ti suspek sa na rinames kalpasan na a dinangran.
Mapapati pay a pinangtaan ti suspek ti biktima a patayen no agipulong ngem saan a nagbuteng ti biktima isu a naipakaammo kadagiti otoridad iti napasamak.
