Inallukoy ni House Assistant Majority Leader ken Lanao del Sur Rep. Zia Alonto Adiong ni Sen. Panfilo Lacson a saan nga agikkat kas miembro ti Senado a makweskwestyunaran ita iti kredibilidadna.
Segun ken ni Adiong, adu iti madanagan iti nasarita ni Lacson isu a kweskwestyunaranda iti kredibilidadna iti public institutions ket maawatanda no apay nga adu iti nakapokus ita iti tignayna.
Immunan nga inamin ni Lacson a napanunotna iti agikkat a miembro iti Senado ta frustrated kadagiti mapaspasamak a makaap-apektar iti imahe iti Senado.
Ngem no pay kasta ket yapela ni Adiong a saan nga agikkat ni Lacson ta agtultuloy iti pagilian a mabenbenepisyaran iti kapadasan, competence, integrity ken independent voice-na iti serbisyo publiko.
Kinuna ni Adiong a kasapulan ita iti pagilian dagiti lider nga adda talekda manipod iti publiko.
