Impasigurado ti Commission on Elections ti integridad ti agabalin a resulta ti umuna a regular parliamentary election iti Bangsamoro Autonomous Region in Muslim Mindanao kalpasan a makumpleto a nasayaat ti final testing ken sealing dagiti vote-counting machines a maaramat inton September 14 elections.
Segun iti Comelec, napateg ti testing ken sealing tapno masigurado nga adda iti nasayaat a kondision ti amin a makina a maaramat iti eleksion.
Pinasingkedan ni Comelec Chair George Garcia a naisayangkat idi Setyembre 12 ti final testing ken sealing ti amin VCM a nakailatang para iti BARMM tapno dagus a maammuan ken maresolba ti aniaman a posible a teknikal a problema sakbay ti aktuwal nga eleksion.
Inlawlawag ni Garcia a paset ti proseso ti panangpasigurado nga awan ti otorisado a programa wenno instruction a naka-install kadagiti makina a mabalin a maka-apekto iti integridad ti eleksion ken panagbilang dagiti botos.
