--Ads--
Mapapati a dimmalan ti medical evaluation iti sabali a pagilian ni Senador Loren Legarda gapu iti parikot iti barana kas pinasingkedan ni Sen. Panfilo Lacson.
Segun ken ni Lacson, personalna nga inawagan ni Legarda sakbay a pimmanaw iti pagilian ken impakaammona iti sitwasyonna.
Kinunana nga adda parikot ni Legarda iti barana ket makipagrikna isuna iti medical leave-na.
Mapagpapatangan ti medical leave ni Legarda kasaruno iti pakaammo ni Ombudsman Jesus Crispin Remulla iti preliminary investigation a nakairamanan ti senadora ken ti anakna a ni Batangas Rep. Leandro Leviste maipanggep ti solar projects, a nainget met a pinaglibakan ti senadora iti aniaman a madi nga aramid.
-- ADVERTISEMENT --
