Pinasingkedan ni Ombudsman Jesus Crispin Remulla nga adda posibilidad ti maysa a witness ti pagilian iti imbestigasion kadagiti maipagarup nga iregularidad iti Philippine Southeast Asian Games Organizing Committee (Phisgoc) idi 2019.
Segun ken ni Remulla, dandanin malpas ti imbestigasion kontra ken ni dati nga opisial ti Phisgoc a ni Ramon Suzara mainaig iti alegasion a di-umiso a pannakausar ti pondo ken dadduma pay nga isyu.
Karaman kadagiti marepaso ket ti maipagarup a kinakurang ti public bidding iti pannakaibangon ti New Clark City Sports Complex ken dagiti alegasion a sobra ti presio ti sumagmamano a proyekto para iti 2019 Southeast Asian Games.
Nupay kasta, pinaglibakan ni Suzara dagiti iregularidad ken kinunana nga umiso ti nairekord ti P2.08-B a pondo nga inawat ti Phisgoc kabayatan a mangisayangkat met ti naisina nga imbestigasion ti National Bureau of Investigation.
