Nangipila ti not guilty plea kadagiti kaso a panaglabsing iti Anti-Graft and Corrupt Practices Act at malversation of public funds ti kontrobersial a kontraktor a ni Sarah Discaya ken walo nga opisial ti Department of Public Works and Highways (DPWH) Davao Occidental District Engineering Office (DEO).
Impakaammo ni Discaya a ti plea-na ket maysa nga arraignment a napasamak idi kalman idiay Regional Trial Court Branch 27, Lapu-Lapu City.
Kadua ni Discaya iti kaso da Maria Roma Rimando, presidente ti St. Timothy Construction, maysa a kompania a kukua ni Discaya, ken dagiti walo nga opisial ti DPWH a sumangsango iti kapada a kaso.
Ti kaso ket adda pakainaiganna iti maysa a flood control projects idiay Davao Occidental a binayadan ti pondo ti gobierno uray partially wenno saan pay a nalpas.
Pinaglibakan amin dagiti akusado ti pammabasol ken impakitada nga awan ti basol-da iti panawen ti arraignment. Reynand Fontejon
