Natalek ti Philippine National Police (PNP) a makemmeg dagiti otoridad ti negosyante a ni Atong Ang ken dati nga Ako Bicol Party-list Rep. Zaldy Co nga agpada a sumangsango iti high-profile cases.
Segun ken ni PNP Chief Jose Melencio Nartatez Jr., agtultuloy iti operasyon dagiti otoridad babaen kadagiti nakalatang a plano ken koordinasyon iti agduduma nga ahensya tapno masapulan dagiti dua.
Sumangsango ni Ang ken dadduma pay nga akusado kadagiti kaso a kidnapping with homicide ken serious illegal detention maipanggep iti pannakapukaw dagiti mannadi.
Idi Abril, nangiruar ti Interpol iti red notice kontra ken ni Ang bayat a naipakaammo a nakita idiay Calabarzon.
Naidiaya iti P20 million a reward para iti impormasyon a makaitudo iti ayan ni Ang.
Kabayatanna, adda nairuar a warrant of arrest kontra ken ni Co ken sangapulo ket pito pay a sabali pakairamanan iti sumagmamano nga opisyal ti Department of Public Works and Highways (DPWH) ken dagiti director iti Sunwest Corp. maipanggep iti maanomalya a flood control projects.
