Imbestigaran ti House Committee on Good Government and Public Accountability ti posible saan nga usto a pannakausar ti P612.5 milion a confidential fund manipud iti Office of the Vice President (OVP) ken Department of Education (DepEd).
Iti panagdengngeg ti House Blue Ribbon Committee, kinuna da Manila 3rd District Representative Joel Chua ken Chairperson ti komite nga adu ti madanagan iti maipagarup nga “improper ken unexplained” a panaggasto ti pondo iti las-ud ti dua a tawen.
Ti pannakadismaya, ket gapu iti pannakaduktal ti komite no kasano nga inusar ti OVP ken DepEd ti pondo a naited kadakuada idi 2022 ken 2023, nga agpada nga indauluan ni Bise Presidente Sara Duterte.
Segun iti committee chair, napateg a masungbatan daytoy ti OVP Special Disbursing Officer a ni Edward Fajarda, dati nga SDO ti DepEd ken OVP.
Manipud iti P612.5 million, P500 million ket para iti OVP ken P112.5 ket para iti DepEd basar iti report ti Commission on Audit.
