Nakasaganan ti gobierno probinsia ti Agusan Del Sur kadua iti Department of Education wenno DepEd-Caraga para iti pormal a panaglukat ti Palarong Pambansa 2026 ita nga aldaw idiay Datu Lipus Makapandong Sports Complex idiay Brgy. Patin-ay, ili ti Prosperidad.
Pormal nga agu-ummong ti amin a delegado iti oras ti ala-una ti malem a saronoan ti air exhibition ti Philippine Air Force iti oras ti alas-tres ken panagpabuya ti VTR para iti Palaro Tu AgSur 2026 opening billboard.
Iti alas-kuwatro ti malem, mangrugi ti panagserrek dagiti delegado a saronoan ti panagkanta ti National Anthem ken panagkararag.
Segun ken ni Governor Santiago Cane Jr., mangted ti mensahe ni Presidente Ferdinand Marcos Jr.
Malpas ti seremonya babaen ti napintas nga opening show nga agpabuya dagiti cheerleaders, hip hop dancers, drum queens, ken dagiti guest performers.
