Target ti House Prosecution panel a mangipasango ti nasurok-kumurang duapulo ket lima a testigo iti umadani nga impeachment trial ni Vice President Sara Duterte iti Senado.
Segun ken ni House Lead Prosecutor ken Batangas 2nd District Representative Gerville Luistro, saan pay a mabalin a maipablaak iti publiko dagiti nagan dagiti testigo gapu ta agdama da a dumalan iti vetting process.
Imbutaktak ni Castro a pakairamanan iti naka-linya a testigo dagiti opisial manipud iti Department of Education (DepEd) ken Office of the Vice President (OVP).
Maipalagip a kadagiti naisayangkat a clarificatory hearing ti House Committee on Justice a maysa kadagiti kangrunaan a testigo a ni Ramil Madriaga, a nagpayyam-ammo kas dati nga aide ken maipagarup a bagman ti bise presidente.
