Impakita ti Department of Education ti agtultuloy a reporma iti Pilipinas tapno papigsaen ti foundational learning iti 2026 Education World Forum (EWF) a napasamak idiay London manipud Mayo 17 agingga 20.
Segun ken ni DepEd Undersecretary ken Chief of Staff Fatima Lipp Panontongan, masapul ti naun-uneg ken napaot a reporma iti edukasion tapno mapasayaat ti suporta kadagiti mangisursuro ken estudyante.
Binigbig met ti international counterparts ti dakkel a pondo ti gobierno para iti edukasion, nga umabot iti nasurok-kumurang 4% ti gross domestic product ita a tawen.
Impakita pay ti pagilian dagiti addang iti pannakibinnulig iti ASEAN, pakairamanan ti ASEAN Leaders’ Declaration on Foundational Learning ken ti umadani nga ASEAN Work Plan on Education 2026–2030 nga adda programa na nga ASEAN Academic Recovery and Catch-up Program (ASEAN ARC-UP).
