--Ads--
VIGAN CITY – Natay iti maysa a dati a miyembro ti Philippine National Police ta nalmes iti swimming pool idiay Brgy. Caburaio, Santiago.
Nabigbig ti biktima a ni Retired Police Chief Master Sergeant Jerry Ramirez Galutan agtawen uppat a pulo ket lima nga agnaed ti Brgy. Elefante, Banayoyo.
Iti pannaki-uman ti Bombo Radyo Vigan kenni PLt. Rodel Ragasa, hepe ti Santiago Municipal Police Station, agiinom ti biktima ken dagiti kakaddua na agingga a nasarakan laengen ti bagi ti biktima a tumtumpao iti swimming pool.
Naipan ti Candon General Hospital ti biktima ngem naideklara a dead on arrival babaen iti attending physician na.
-- ADVERTISEMENT --
Innayon ni Ragasa nga awan iti makitkitada a foul play iti pannakatay ti biktima.
