--Ads--
Dead on arrival ti maysa a lalaki a nalmes iti kabaybayan iti Barangay Solot-solot, San Juan, Ilocos Sur.
Ti biktima ket maysa nga estudiante, agnaed iti Barangay Camindoroan iti nasao nga ili.
Maibasar iti imbestigasion, napan nag-spearfishing ti biktima kadua dagiti gayyemna tapno mangala iti seaweed.
Timmapog ti biktima iti adalem a paset ti kabaybayan, ngem kalpasan ti sumagmamano a minutos ket saanen a limmung-aw.
-- ADVERTISEMENT --
Gapu dayta, timmapog dagiti gayyem ti biktima a nangsapul ken nangibangkag kenkuana.
Nagresponde met ti Municipal Disaster Risk Reduction and Management Office ket naitaray ti biktima iti ospital ngem saanen a nakalasat.
Awan met ti foul play a napasamak iti pannakalmes ti biktima.
