Opisyalen a naideklarar ti Archdiocesan Shrine ken parokya iti Santo Niño de Tondo kas maysa a Minor Basilica.
Impaganetget ni Manila Archbishop Jose Cardinal Advincula a ti titulo ket saan laeng a pammadayaw no diketdi misyon nga agserbi kadagiti marigrigat, nalipatanen, ken dagiti nayadayo iti pammati.
Ti simbaan ket rumbeng nga agbalin a silulukat ken pagtaengan dagiti agpammati, panagkaykaysa ken agserserbi.
Pinasingkedan ni Papal Nuncio Archbishop Charles Brown a ti panagbalin a Minor Basilica ket mangpatibker iti napateg a koneksyon iti spiritual iti nagbaetan ti Santo Niño de Tondo ken iti Vatican.
Inlawlawagna ti kayat a sawen ti “Sub Umbria Petri” a mangipakita iti panagbalin nga asideg ti Basilica iti Santo Papa ken iti simbaan sangalubongan.
