Inawaten ni Pope Leo XIV ti panagikkat ti puesto ni Diocese of Parañaque Bishop Jesse Mercado.
Segun ti Catholic Bishop’s Conference of the Philippines (CBCP), nagretiro ni Mercado kalpasan a naabotna ti mandatory retirement age a pitopulo ket lima para kadagiti Obispo.
Pormal nga impakaammo ni Papal Nuncio Archbishop Charles Brown ti panangawat ti Santo Papa ti panagikkat ni Mercado iti naisayangkat a misa para iti panagkasangayna iti Mary Mother of Hope Chapel.
Kagiddan dayta ket dinutokan ni Pope Leo XIV ni Cubao Bishop Elias Ayuban Jr. kas apostolic administrator sede vacante iti Diocese of Parañaque.
Isuna pay laeng iti temporaryo a mangidaulo iti diocese agingga madutokan ti baro nga Obispo.
Ni Mercado ket na-ordain kas padi para iti Archdiocese of Manila idi March 19, 1977.
Nadutokan isuna nga auxiliary bishop iti Maynila idi February 25, 1997 ken na-ordain kas Obispo idi Marso 31 iti isu met la a panawen.
Idi December 7, 2002 ket nagbalin isuna nga umuna nga Obispo iti kayet-etnag a Diocese of Parañaque ken pormal a nagtakem idi Enero 28, 2003.
