Nakaituding nga agtaripnong dagiti Catholic Bishops idiay Ozamiz City inton sumaruno a lawas para iti maika-tallopulo ket dua a plenary assembly.
Segun ken ni Msgr. Bernardo Pantin a Secretary General iti Catholic Bishop’s Conference of the Philippines (CBCP), agsentro ti patangan dagiti Catholic leader iti sumagmamano a maibilang a pastoral priorities dagiti kangrunaan nga isyu a sangsangwen ti Simbaan ken iti intero a pagilian.
Karaman daytan ti mental health, panangtaripato kadagiti partuat ti Dios, ken global energy crisis karamanen ti sumagmamano nga issue a makaapektar kadagiti komunidad.
Aglukat ti assembly babaen ti mensahe manipod ken ni apostolic nuncio Archbishop Charles Brown ken CBCP President Archbishop Gilbert Garcera.
Inallukoy ni Msrg. Pantin dagiti agpammati nga ikararagan dagiti Obispo iti Simbaan Katolika tapno pakairanudan dagiti diskusyonda ken makaserbi iti simbaan ken kadagiti Pilipino a napudno ken napnuan ti panagayat.
