Bambantayan ti Catholic Bishops Conference of the Philippines (CBCP) ti panaggaraw ti impeachment trial iti Senado kas kinuna ni Episcopal Commission on Inter-Religious Dialogue head Bishop Jose Colin Bagaforo.
Segun ti Catholic leader, datin a nakabukel ti Simbaan Katolika ken dadduma pay a religious sects iti Inter-religious Leaders’ Council for National Transformation nga aktibo nga agbambantay iti social issues kas iti impeachment trial.
Iti biang ti Catholic Church, agtaltalinaed ti takderda iti panangpasungbat iti aniaman a pagduduaan wenno maak-akusaran a nagaramid iti krimen, aniaman iti posisyonna.
Inlawlawagna a saanda a kondenaren ti bise presidente wenno agar-aramid iti stant wenno pagsuportar iti aniaman nga opisyal.
Kayat laeng ti simbaan ket agari ti linteg ken masurot ti constitutional process.
Inallukoy pay ti Catholic leader iti publiko ken dagiti padana nga agserserbi iti simbaan a bay-an laengen nga aggaraw ti impeachment process bayat a bambantayanda iti pasamak iti impeachment court.
Paset daytan ti isursuro iti simbaan a pannakaipatungpal ti hustisia ken dusa, dua kadagiti kangrunaan nga ilablaban iti Catholic Church.
