Nagpanawagan ni Manila Archbishop Jose Cardinal Advincula kadagiti agpampammati a mangisagut ti kararag iti baet ti manamnama a nakaro a kinapudot gapu ti El Niño.
Imbilin ni Advincula ti amin a Parokya ken komunidad iti salinong ti Archdiocese of Manila a kararagen ti Oratio Imperata ad Petendam Pluviam o wenno kararag para iti tudo no Eucharistic celebration.
Rugyan a kararagen daytoy kalpasan ti Post-Communion Prayer inton Domingo, Nobiembre 8 ken itultuloy agingga iti sumaruno a bilin.
Segun iti Cardinal, napateg nga agkaykaysa dagiti agpampammati iti panagkararag ken italek iti Diyos dagiti kasapulan.
Inallukoy na pay dagiti padi, catechists, religious educators ken dadduma pay a karaman iti Christian formation nga usaren ti gundaway a paunegen ti kina-ammo dagiti agpampammati mainaig iti responsibilidad a salwadan ti aglawlaw.
