VIGAN CITY- Inusar dagiti saan pay a nabigbig a suspek ti nagan ni vice governor jerry singson iti pananglimlimo ti biktima a ni Kenley Filarca nga akin-kukua ti Kusina De Kenyong, babaen iti panagorder da ti sumurok kumurang tallo pulo a ribo a pisos a makan ken panagpaload da ti nadumaduma a numero a ti pakadagupan a gatad na ket dwa pulo ket maysa a ribo lima gasut a pisos.
Segun kenni Filarca, bigat idi kalman idi adda ti timmawag kenkuana ti nagpammarang a secretary ni Vice Governor Jerry Singson ket nagpareserve da ti pangladaw para iti kinse a tao pakairamanan ti bise gobernador ken nagpagatang da pay ti agas na ,sabali pay ti panagpaload da kadagiti nadumaduma a numero.
Kinuna ni Filarca a kampante isuna ta kasla pudpudno ti pannakisarita kenkuana ti suspek ken personal a number na pay ti tinawagan da kasta pay a nakapatang pay ti head cook na ket naibaga na a katimtimek na ti secretary ni Vice Governor Singson.
Idi dimteng ti pangaldaw , awan ti simmangpet a nangan kadagiti orders ken saan nan a natawagan ti numero a timmawag kenkuana
Nakumpirmana na pay a nalimlimo laeng isuna ta naammuan na manipud iti gayyem na a makaam-ammo iti secretary ti bise gobernador nga awan ti bilin ti opisyal a mangipareserve da ti pangaldaw iti anyaman a restaurant ken adda da idiay metro manila iti agdama.
