VIGAN CITY- Nangipatulod ti Provincial Disaster Risk Reduction and Management Council ti augmentation team idiay Calasiao, Pangasinan tapno tumulong iti panagbakwit dagiti residente gapu iti layus a ti agdama ket naisakup iti state of calamity.
Ti pannaki-uman ti Bombo Radyo Vigan ken ni PDRRMC- officer Michael Chan , sumagmamano kadagiti barangay ti saan da a maserrek gapu ta katukad ti dwa a tao ti kaadalem ti layus ken napegges ti danum isu a pagamkan na a lumned dagiti nasao a barangay no agtultuloy ti saan a nasayaat a kasasaad ti paniempo.
Sumagmamano pay kadagiti barangay ti agingga barokong ti kaadalem ti layus isu a pinnarigat iti rescue operation.
Agtalinaed iti sumagmamano nga aldaw ti augmentation team idiay calasiao ngem inpasigurado ni chan nga umanay ti bilang dagiti rescuers ditoy probinsiya nga agresponde no adda ti saan a nasayaat a mapasamak
