VIGAN CITY – Pinasingkedan ni dati nga ACT OFW Partylist Rep. John Bertiz a saan a mabaybay-an dagiti Pilipino nga adda kadagiti nadumaduma a pagilian.
Iti pannaki-uman ti Bombo Radyo Vigan ken ni Bertiz, makikinnammayetdan iti Overseas Workers Welfare Administration ken addan ti inlatang ti Department of Labor and Employment a sangapulo a ribo a pisos para kadagiti marepatriate a Pilipino kasta pay dagiti naistranded gapu iti enhanced community quarantine.
Kabayatanna, kiddawen ni Bertiz iti Department of the Interior and Local Government ken Department of Social Welfare a saanda nga ilaksid ti pamilya dagiti OFW gapu ta narigat iti wagas tatta a panangipatulod ti kuarta gapu iti pannakai-lockdown dagiti nadumaduma a pagilian.
Ingunamgunam ti kongresista a rumbeng a saan nga isardeng ti amo dagiti OFW ti mangpasweldo kadakuada ta saanda a kompania ken saanda a karaman iti “no work, no pay policy” isu nga agtultuloy ti panagtrabahoda ken rumbeng met a maawatda ti sweldoda.
