--Ads--
Inkari ni Department of Social Welfare and Development (DSWD) Secretary Rex Gatchalian ti tulong para iti rinibo a pamilia a na-displace gapu iti napasamak nga uram iti Parola compound idiay Binondo, Manila.
Imbilin ni Gatchalian ti Field Office National Capital Region ti DSWD a siguradoen ti dagus a pannakapaay ti tulong kadagiti apektado a pamilia.
Adda maipatulod a kitchen kits, sleeping kits, ken dadduma pay a non-food items iti internally displaced families nga agkasapulan ti temporario a pagyanan iti Delpan evacuation center.
Napasamak ti uram idi Mayo 23 a nagresulta ti pannaka-displace ti 2, 500 a pamilia.
-- ADVERTISEMENT --
