Pres. Marcos, imbilinna iti pannakabukel iti crisis committee iti baet iti Middle East crisis

Imbilin ni Pres. Ferdinand Marcos Jr. ti panangbukel ti crisis management committee a mangtutok iti pagkasapulan dagiti umili.

Dayta iti kinumpirmaran ni Press Officer USec. Claire Castro kasaruno iti mapaspasaran a krisis idiay Middle East a makaapektar iti pagilian.

Imbutaktak ni Castro nga adda iggemnan a draft maipanggep ti development idiay Middle East.

Segun ken ni Castro, sakbay pay a naisingasing ti pannakabukel ti crisis committee ket imbilinen ti presidente a maaramid dayta.

Ingkari ni Castro nga iruarna ti detalye apaman a malpas iti nasao a draft.

Kadagiti sumarsaruno nga aldaw ket posible nga ipakaammo ti Malakanyang no siasino iti posible a mangidaulo iti komite.