Pormal nga impaala ti House Committte on Justice ti report maipanggep iti makapadudua a bank transaction ni Vice President Sara Duterte ken mister-na a ni Atty. Mans Carpio.
Iti mosyon ni Akbayan party-list Rep. Perci Cendaña a sinegundoan ti kaduana iti partido a ni Rep. Chel Diokno, binlin ni Batangas Rep. Gerville Luistro a chairman ti komite, a sumango ti Anti-Money Laundering Council (AMLC) iti panagdenggeg inton April 22, 2026.
Segun ken ni Luistro, nabilin ti komite a mangiruar ti subpoena duces tecum ken subpoena ad testificandum to Anti-Money Laundering Council iti panagpakitada inton Abril 22.
Binilin ti komite ti AMLC nga ipasa dagiti report iti covered transactions, ken suspicious transaction iti aniaman ken amin a bangko iti AMLC a nakairamanan ti bise presidente ken Carpio a sakupen iti 2006 agingga 2025.
Uray dagiti report iti imbestigasyon ti AMLC kadagiti bank transaction dagiti agasawa no adda ket maipasa ti komite.
