1,024 amin a delegates iti naggapu iti Schools Division Office 1 – Pangasinan iti makisalip iti R1AA iti probinsia.
Iti pannaki-uman ti Bombo Radyo Vigan ken ni Dulce Tolosa a Division Sports Officer iti SO1-Pangasinan, pakabuklan a 602 iti atleta, 86 iti coaches, 25 iti assistant coaches, 19 chaperons, 165 iti naggapu iti agduduma a komite, ken 127 iti agserserbi a technical officials iti naggapu iti SDO1-Pangasinan.
Segun ken ni Tolos, saanda pay a nakadandanon idi kalman iti Billeting School ket nariknada a dagus iti nabara a panangpasangbay iti Ilocos Sur kadakuada gapu kadagiti nakaipan kadagiti arko.
Yamanenna iti Ilocos Sur kangrunaan iti Candon Local Government Unit babaen ti panangidaulo ni Mayor Eric Singson gapu iti nabara ken very accommodating a panangpasangbayda kadagiti amin nga atelta.
Siguradoenna nga aramidenda amin a kabaelanda tapno maipakita iti kinalaing dagiti atletada ken tapno maaramid dayta ket agtalekda latta iti Namarsua babaen iti natibker a pammatida Kenkuana.
