--Ads--

Agdaman a maas-asikaso ti kaso kontra iti lima a lalaki a suspek iti panagtakaw ti landok a napasamak idi Nobiembre 14 sadiay Barangay San Agustin, siudad ti Candon.

Iti pannaka-uman ti Bombo Radyo Vigan, ken ni Plt. Jovelyn Antalan, as-asikasuen dagiti imbestigador ti kasapulan a pamay-an tapno maipila ti kaso kontra kadagiti suspek.

Maipalagip nga impakaammo ti akinkukua iti junk shop kadagiti otoridad nga adda dua a lallaki a nakalugan iti traysikel ti nangpadas a mangilako kenkuana iti sumagmamano a piraso ti round bars.

Gapu iti daytoy, nangisayangkat dagiti otoridad iti imbestigasion tapno maammuan no sadino ti naggapuan ti landok.

-- ADVERTISEMENT --