Tallo ti nadunor iti napasamak a panagdinnungar dagiti dua nga Honda XRM 125 idiay Barangay Balingaoan, Candon City, Ilocos Sur.
Ti nagmaneho ti puraw nga Honda XRM 125 ket agtawen iti duapulo ket lima, residente ti Barangay Bulbulala, Balaoan, La Union, kalubbon na ti agatawen iti duapulo ket pito, residente ti Barangay Magallanes, Luna, La Union.
Ti met nagmaneho ti nangisit Honda XRM 125 ti minaneho ti agtawen iti limapulo ket lima, residente ti Barangay Dan Ar, Santiago, Ilocos Sur.
Basar iti imbestigasion, ti puraw nga XRM ket agturong iti abagatan a direksion idinto a ti nangisit nga XRM ket aggapu iti laud iti barangay road, ket idi nadanonda ti nakapasamakan ti insidente, ti nangisit nga XRM ket nagderetso iti highway rason ti panagdinnungpar da ti sabali pay nga XRM.
Agpapada a nagsagaba ti dunor iti agduduma a paset ti bagi dagiti amin a karaman ti insidente ket naipan da iti balay pagagasan para ti naan-anay a pannakatamingda.
